Gweld cod am Gorsaf reilffordd Y Groeslon

Gorsaf '''y Groeslon''' oedd y drydedd orsaf ar ôl Caernarfon ar lein Caernarfon-Afon-wen, milltir a 200 llath ar ôl [[Gorsaf reilffordd Llanwnda|gorsaf LLanwnda]] a bron i 2 filltir cyn cyrraedd [[Gorsaf reilffordd Pen-y-groes|gorsaf Pen-y-groes]]. Fe'i hagorwyd ym 1867 a chan fod yr orsaf yn gwasanaethu nid pentref [[Y Groeslon]] yn unig ond hefyd pentrefi [[Carmel]], [[Y Fron]] a'r wlad o'u cwmpas, roedd yn orsaf brysur ar gyfer teithwyr. Gallai trenau basio ei gilydd yma, ac mae olion y ddau blatfform i'w gweld o hyd. Roedd y platfform yn isel ar ochr y ffordd fawr a rhaid i deithwyr wrth set o stepiau bach i gyrraedd y cerbydau'n ddiogel.

Adeilad bach unllawr wedi ei adeiladu yn null cwmni [[Rheilffordd Sir Gaernarfon]] oedd yr orsaf, ond fe ddymchwelwyd yn fuan wedi i'r lein gau.

Roedd un seidin ar gyfer dadlwytho glo a nwyddau eraill. Nid oedd yno focs signalau, ac roedd liferau'r signalau a'r pwyntiau yn agored i'r tywydd ar y platfform.

Galwyd Y Groeslon yn 'Groeslon RSO', sef Swyddfa Ddidoli'r Rheilffordd - nid fod dim o eiddo'r rheilffordd yn cael ei ddidoli, ond yr holl bost a gyrhaeddai'r orsaf ar y trên ac a ddanfonid oddi yno o'r ardaloedd cyfagos.

Fe gaewyd yr orsaf gyda gweddill y lein ym 1964.

==Ffynonellau==
*''[https://britishrailwaybooks.co.uk/books/ISBN/0906867371.php LMS Branch Lines in North Wales]'', W.G.Rear, Wild Swan Publns., (1986), t.78.


[[Categori:Gorsafoedd rheilffordd]]