Gweld cod am David D. Griffith (Alaw Dulyn)

Ychydig a wyddys am '''David D. Griffith''' (1884-?), ar wahân i'r ffaith ei fod yn fab i Siop a Swyddfa'r Post yn [[Nebo]], siop a elwid yn "siop Brynllyfnwy", y drws newsaf i [[Capel Nebo (MC)]]. Ym 1901, roedd yn 27 oed, yn byw adref ,yn ddibriod ac yn cael ei ddisgrifio yn y Cyfrifiad fel cynorthwÿydd groser. David Griffith (g.1844) oedd ei dad - hwnnw a gadwodd y siop gyda'i wraig Margaret (g.1842). Roedd y teulu'n byw yn adeilad y siop a'r post. Ni ymddangosir David D. na'i fam yng Nghyfrifiad 1911 yng nghyfeiriad y siop - Margaret yn sicr wedi marw rywbryd ar ôl 1901 gan fod yn tad yn cael ei ddisgrifio fel gŵr gweddw.<ref>Cyfrifiadau plwyf Llanllyfni, 1861-1911</ref> Teulu o blwyf [[Llanllyfni]] oeddynt, ac roedd Robert Griffith y taid a David ei fab wedi cychwyn fel chwarelwyr cyn troi at gadw siop yn ogystal agweithio yn y chwarel.

Roedd David D. Griffith, mab David, yn gerddor da, ac fe'i hanrhydeddwyd trwy ei godi i Urdd Cerdd-ofydd yn yr Orsedd trwy arholiad ym 1903.<ref>''Tarian y Gweithiwr'', 30.7.1903, t.2</ref> Defnyddiai'r ffugenw a gafodd wrth gael ei urddo wrth iddo arwain côr ac ati. Roedd o'n arwain [[Côr Meibion Dulyn]] a berfformiodd mewn cyngerdd a gynhaliwyd yn Nebo i godi arian at helpu'r ffermwr lleol [[Homo Goch]], Pen-yr-yrfa, Nebo "yn ei adfyd".<ref>''Yr Herald Cymraeg'', 22.3.1904, t,8</ref> Byrhoedlog fu oes y côr mae'n debyg gan mai dyna'r unig gyfeiriad ato sydd wedi dod i'r fei hyd yn hyn.

{{eginyn}}

==Cyfeiriadau==

[[Categori:Siopwyr]]
[[Categori:Cerddorion]]
[[Categori:Corau]]