Gweld cod am Huw Jones, Cwmni Sain

Canwr, darlledwr a dyn busnes yw '''Huw Jones''' (ganwyd 5 Mai 1948). Daeth yn ffigwr amlwg yng ngherddoriaeth Cymru yn y 1960au ac am ei gân brotest '''''Dŵr''''' oedd yn sôn am foddi Capel Celyn a Chwm Tryweryn. Cyd-sefydlodd nifer o gwmnïau cyfryngol Cymraeg yn cynnwys [[Cwmni Sain]], Teledu'r Tir Glas a Barcud. Bu'n brif weithredwr S4C am ddegawd ac yn gadeirydd y sianel wedi hynny.

==Bywyd cynnar==
Ganwyd David Huw Jones ym Manceinion i deulu â'u gwreiddiau yn Sir Drefaldwyn. Symudodd y teulu i Gaerdydd lle addysgwyd Huw yn Ysgol Bryntaf ac Ysgol Uwchradd Y Bechgyn. Ar ôl gadael ysgol astudiodd Ffrangeg yng Ngholeg yr Iesu, Rhydychen.<ref>{{dyf gwe|url=https://www.bbc.co.uk/cymru/cerddoriaeth/artistiaid/huw_jones.shtml|teitl=BBC - Huw Jones|cyhoeddwr=BBC Cymru|dyddiadcyrchiad=18 Mehefin 2020|awdur=Gary Melville}}</ref>

Cychwynnodd ganu yn gyhoeddus yng Ngwersyll yr Urdd Glan-llyn, ac yna yng nghlybiau canu gwerin yng Nghaerdydd. Roedd yn perfformio'n aml gyda cyfoedion fel Heather Jones, Geraint Jarman, Huw Jenkins ac Eluned Evans.

==Gyrfa==

Ym 1968 arwyddodd i Welsh Teldisc a rhyddhau'r EP ''Cymru'r Canu Pop'' a flwyddyn yn ddiweddarach y sengl "Y Ffoadur". Nid oedd Huw yn hapus gyda chyfleusterau recordio cyntefig Welsh Teldisc ac felly ym 1969 ffurfio Cwmni Recordiau Sain gyda Dafydd Iwan a Brian Morgan Edwards. Daeth yn reolwr-gyfarwyddwr y cwmni hyd at 1981.<ref name="bbc-penblwydd">{{dyf gwe|url=https://www.bbc.co.uk/sounds/play/p065ns4v|teitl=Huw Jones – Gwestai Penblwydd|cyhoeddwr=BBC Radio Cymru|dyddiad=29 Ebrill 2018|dyddiadcyrchiad=18 Mehefin 2020}}</ref>

Cyd-sefydlodd un o'r cwmniau teledu annibynnol cyntaf, Teledu'r Tir Glas a'r cwmni adnoddau Barcud, ac roedd yn Gadeirydd y cwmni hwnnw rhwng 1981-1993. Mae nawr yn Gadeirydd Portmeirion Cyf., yn is-Gadeirydd Canolfan Iaith Nant Gwrtheyrn ac yn Ymddiriedolwr y Gymdeithas Deledu Frenhinol.<ref>{{dyf gwe|url=https://www.s4c.cymru/abouts4c/authority/c_index.shtml|teitl=Awdurdod S4C|cyhoeddwr=S4C|dyddiadcyrchiad=25 Mawrth 2017}}</ref>

Erbyn y 1970au cynnar roedd yn cyflwyno y rhaglen bop wythnosol ar BBC Cymru, ''Disc A Dawn''.

Roedd yn brif weithredwr S4C rhwng 1994 a 2005 a daeth yn gadeirydd Awdurdod S4C ym Mehefin 2011.<ref>{{dyf newyddion|url=http://news.bbc.co.uk/welsh/hi/newsid_9500000/newsid_9505600/9505614.stm|teitl=Cadarnhau Huw Jones fel cadeirydd|cyhoeddwr=BBC Cymru|dyddiad=6 Mehefin 2011|dyddiadcyrchu=25 Mawrth 2017}}</ref> Ymddeolodd o'r swydd yn Medi 2019.<ref>{{dyf newyddion|url=https://golwg360.cymru/newyddion/cymru/554655-hugh-hesketh-evans-cadeirydd-dros|teitl=Hugh Hesketh Evans yw Cadeirydd dros dro S4C|cyhoeddwr=Golwg360|dyddiadcyrchu=7 Hydref 2019}}</ref>

==Bywyd personol==
Dwy flynedd ar ôl sefydlu Sain, penderfynodd Huw a'i wraig symud i'r gogledd i fagu teulu. Symudodd i [[Llandwrog|Landwrog]] gan rhentu bwthyn yno i ddechrau. Mae fo a'i wraig yn dal i fyw yn Llandwrog hyd heddiw.